Puema sicilianu :
Quannu jù moru vènicci a Schisò
nta na notti d'austu comu a chista,
ca li schiggi allimati di l'ojetra
a la luna cci perciunu lu cori.
Lu mari agghica di luntanu e sbroma
rèpiti longhi d'amanti ammucciati
sutta linzoli d'àlichi di sita
e mentri l'ascutamu, ahiahi,
lu pedi
s'affunna nta la rina
e non putemu
cchiù fujiri e pir chistu
n'abbrazzamu,
ni strincemu, mpazzuti, ni mplicamu,
stanchi ni pircantamu nta la ribba
a 'scutari la storia di lu mari.
E lampari ca scociunu tunnina.
Quannu jù moru venicci a Schisò
nta na notti d'austu comu a chista,
jisa la canna e attizzacci la vita
nta l'occhiu
a lu palàmitu firutu
ca sbattulìa supra la ribba giarna
e ribbugghi di sancu la scumazza.
E lampari ca scociunu tunnina.
Quannu jù moru venicci a Schisò
nta na notti d'austu comu a chista
a chianciri lu chiantu di li stiddi
ca tummanu nta l'acqua arrisagghiata
a nova spirlucenza,
allaricannusi,
macchia d'oghiu assajata di cardùbbuli.
E lampari ca scociunu tunnina.
Sulu nta la pupidda to gilestri
la Puddara è mimoria di lu celu!
Quannu jù moru venicci a Schisò
nta na notti d'austu comu a chista,
a sparmari la trizza sutta un ramu
di calìppisu,
a sentiri la vuci
nostra ca mpiducchiata nta li fogghi
tesci fulinia spana di silenziu
ca si sciogghi a riciatu di gricali.
E lampari ca scociunu tunnina.
Quannu jú moru venicci a Schisò
nta na notti d'austu comu a chista
ca ntra lu scàtti di lu manzijornu
a ntunari la brogna nta la vampa
di lu suli mirìu.
Ricogghi tutti
li pisci di lu mari pi cuntaricci
tra na risata e n'autra la storia
di ddu pazzu d'amanti, c'ogni sira
a ribba di lu mari di Schisò,
abbrazzatu cu tia, o Jàjita Azzola,
cuntava stiddi e peni,
peni e stiddi.
E lampari ca scociunu tunnina!
|
Poema siciliano :
Quando io muoio, vienici a Schisò
una notte d'agosto come questa,
quando, gli stridi acuti del gabbiano
traffiggono la luna fino al cuore.
Il mare viene da lontano, esala
gemiti lunghi d'amanti nascosti
sotto lenzuola di seriche alghe
e mentre li ascoltiamo, ahiahi,
il piede
affonda nella rena
e non possiamo
più fuggire e per questo
ci abbracciamo,
ci stringiamo impazziti, trasfusi,
stanchi ci incantiamo sulla riva
ad ascoltare la storia del mare.
E lampare che abbagliano tonnina.
Quando io muoio vienici a Schisò
una notte d'agosto come questa
alza la canna e rinfocola la vita
nell'occhio
del palamito ferito
che si dibatte sulla riva gialla
e la schiuma ribolle del suo sangue.
E lampare che abbagliano tonnina.
Quando io muoio vienici a Schisò
una notte d'agosto come questa
a piangere il pianto delle stelle
che piombano nell'acqua abbrividita
di nuova rilucenza,
spargendosi,
macchia d'olio assalita dalle vespe.
E lampare che abbagliano tonnina.
Solo nella cilestrina tua pupilla
sono le Pleiadi memoria di cielo!
Quando io muoio vienici a Schisò
una notte d'agosto come questa,
a sciogliere la treccia sotto un ramo
d'eucaliptus,
ad ascoltare la voce
nostra che impigliata tra le foglie
tesse una ragnatela di silenzio
che si dissolve a fiato di grecale.
E lampare che abbagliano tonnina.
Quando io muoio vienici a Schisò
una notte d'agosto come questa,
o quando arde il meriggio
a sentire conchiglie nella vampa
del sole a picco.
Raduna tutti
i pesci del mare per narrare
tra un riso e l'altro la storia
di quell'amante folle che ogni sera
sulla riva del mare di Schisò
abbracciato con te, Agata Azzurra,
contava stelle e pene,
pene e stelle.
E lampare che abbagliano tonnina!
|
